من ينسحب أخيراً يخسر كثيراً .. حبل الجذب طويييييييييييل

كتبت في نوفمبر 26th, 2009 بواسطة AmJaD.
التصنيف: طراطيش كلام.

هايزات
ابو المثل يكول “من يضحك أخيراً يضحك كثيراً ” . يجوز صح !
لكن بكل حال من الأحوال خلينا اليوم نكلب المعادله ونخلي بمكان “يضحك ” الأولى “ينسحب” و”يضحك الثانية” نبدلها بـ ” يخسر ” ,
صدك مو !
الإنسحاب من أي موضوع هو هروب لانك بالإنسحاب تبقي إمور متعلقة مامحلولة كأن تنسحب مثلاً من منافسة , وإنت كنت ماشي بيها مسبقاً فأكيد عندك رصيد معين من النقاط هذا الرصيد شنو مصيره ؟ أكيد إله تأثير !

الحياة بيها عدة إنسحابات لاننا بطبعنا نحب نرتاح من شئ معين , والراحة تجي بطريقتين (الحل . الإنسحاب) وللأسف لأن إحنا عجوزيين درجة يك ومانحب نشوف الظرف من جهتين ومانحب نغث نفسنا ونفكر خير بالمقابل ونحب نعيش دائما بفقاعة الطرف المظلوم والسوده عليه :( نختار الأسهل وهو الإنسحاب ..
أما نتائج الإنسحاب فهي المؤلمة دائماً . وأكثر أذية من أي تصرف ثاني بالحياة لان رصيدك الي تركته قبل الإنسحاب رح يرجع عليك بهواي مواقف بالتأكيد إلها التأثير السلبي عليك , وهذا كله كوم (بتكه) والإنسحاب الأخير بكوم (بتكه لخ) . لان الإنسحاب الأخير هو الي ينطي الضوء الأحمر للمقابيل والي ميخليه يتحرك ولا يتخذ اي خطوة ولا حتى يحاول يفتهم ليش (لماذا؟)
وصدكوني الي رح يتأذه هو المنسحب مو الطرف المقابيل
لان الطرف المقابيل بالنسبة إله وصل لحد النهاية القطعية او كما نشيرلها في مصطلحنا العامي للغوي إين الشوراعجي – قفل , خلص , مبيها مجال , ولا فستكاية , لامنا ولامنا , أبــــــــداً – .

أما حبل الجذب فهو طويل مو قصير لان الجذبة تاخذ فتره طويلة يله تبين  إذا واحد أقر وإعترف بيها وابو المثل غلطان بحجايته :) طبعا إلا إذا جان يقصد بالجذب انه واحد يجي يكلك لون الموز ازرك P:

ولان المنسحب خلف رصيده وراه والمقابل لغى الرصيد من دماغة فراح تكون الأذية للطرف الأول
ملحوزة صوغننه : الرصيد = الذكريات , الإنسحاب = المقصود بيه من العلاقات الغورامية

أضف تعليقك

| 145 زيارة