مبروك برشلونة .. وماكو شئ

كتبت في نوفمبر 30th, 2009 بواسطة AmJaD.
التصنيف: طراطيش كلام.

يا 100هلا بطولي

1- إختفيت يومين لان يوم الجمعة زرت اصدقائي بالمدينة القديمة الي جنت ساكن بيها وصارت امور خارجه عن القانون D:

2- السبت كنت بالدنمارك – كوبنهاجن : زيارة العيد لبيت عمي وابن عمتي واقاربي هناك , تمشيت شوية بكوبنهاجن وهي المدينة الي تنطبق عليها اغنية ” كل ماتكبر تحلى , وتصير أحلى وأحلى ”

3- مبروك والف مبروك و1000000 مبروك فوزنا بالكلاسيكو على مدريد مراح اكثر لان البيهم مكفيهم (خطية صارفين اكثر من 460 مليون دولار امريكي حتى يعوضون خسارة اللعبة السابقة 6-2 بس هم فشلوا وخل يكولون عنه فشلونة لان هاي حقيقه , لانا مفشليهم دائماً ) , هاردلك أوس الكبيسي وعلاوي وجماعتكم شلع .

4- ماكو شئ جديد حتى الواحد يحجي بس هو اكو شوية مياه حاره تنبش جوه هالجبل وشويه شويه متأكد إنها رح تزيد إلى أن توصل حد الإنفجار وتشوفوني اطرطش حجي عنها (كالعاده)

5-  يوم الجمعة شوية إرتاحيت لان صار كلام مباشر وبصراحة , طبعاً اني الحجيت (النتيجة إيجابيه) بس كنت متأمل أسمع حجي مباشر وبدون تزيين بجملة وزخارف مالها داعي لانها تتيه المعنى – وما اعرف داحس نفسي معلك لا اني يمنه ولا اني يسره . يمكن الموضوع يحتاجله وقت ؟

كلشئ  جائز

أضف تعليقك

| 186 زيارة