إجى العيد وإجت طلايبه .. بلا إستفياكات خزعبلية

كتبت في نوفمبر 26th, 2009 بواسطة AmJaD.
التصنيف: طراطيش كلام.

مسائي عسل
كل عام وانتو بخير وايامكم سعيده
اجى العيد وبدت الرسائل تهل بالتلفون بس المشكلة تلفوني ميقره عربي يطلع عندي مربعات واذا حولته على غير تلفون اختفت الرسائل زين هسه شلون اني اعرف انها تهنئة لو رسالة عادية ؟
حلها يا حلال المشاكل ..

لاتبخلون بالعيديات تره محد باقي بهالدنيا وبجيبه فلوس
أكو موضوع ثاني الي هو الحساسيات الزياده والاستفياك الماله داعي

يابه تره العالم لحم ودم وتحس وعدها مشاعر مو كلمن واحد فتحلك قلبه تنزل عليه حدره مال (أوي أوي) لو (العالم دتموت وانت حاير بهاي) لو (شوف غيرك واحمد ربك) .
تره الي يحجيلك يريد منك جواب واذا ماعندك جواب اسكت وطبطب على جتفه وكله عندك حق بلا متحاول تنقص منه بالزايد وتخلي معنوياته سحك باليد حصان !
لان انت مو فاندام قلب الفيل ولا واحد حايط ميحس ولا يتأثر
بعدين بيني وبينك وتعال قرب لا احد يسمعنا
” لاتظلك تبجي جوة البطانية بتالي الليل بغرفتك والباب مقفل , هي لطلوط مو كلنا ولد سوك”

تشاو ات

أضف تعليقك

| 152 زيارة